Қуйида келтирилган саволларга берилган жавоб вариантларидан бирини танланг.

1. Сизни ўраб турган дунёни янада такомиллаштириш мумкин, деб ҳисоблайсизми?

а) ҳа;

б) йўқ, ўзи шундоқ ҳам яхши;

в) ҳа, фақат баъзи ҳолатларда.

2. Сизни қуршаб турган муҳитни ўзгартиришда ўзингиз ҳам иштирок этаман, деб ҳисоблайсизми?

а) ҳа, кўпгина вазиятларда;

б) йўқ;

в) ҳа, баъзи вазиятларда.

3. Сизнинг баъзи ғояларингиз сиз фаолият юритаётган соҳага фойда келтиради, деб ҳисоблайсизми?

а) ҳа;

б) ҳа, фақатгина қулай вазиятларда;

в) фақат баъзи вазиятлардагина.

4. Келажакда ташкилотдаги баъзи нарсаларни тубдан ўзгартира оладиган муҳим вазифалардан бирини бажаришингизга ишонасизми?

а) ҳа;

б) эҳтимоли кам

в) бўлиши мумкин.

5. Бирор хатти-ҳаракатни амалга оширишдан олдин уни ўз режаларингизга мувофиқ ёки мувофиқ эмаслигини ўйлаб кўрасизми?

а) ҳа, доимо;

б) кўп ўйлайсиз, аммо эплай олмайсиз;

в) ҳа, баъзан.

6. Сизга умуман нотаниш бўлган соҳа билан шуғулланишни истайсизми?

а) ҳа, номаълум нарсалар сизни ўзига жалб қилади;

б) номаълум нарсалар сизни қизиқтирмайди;

в) барчаси ишнинг бошқа жиҳатларига боғлиқ.

7. Ўзингиз билмайдиган соҳа билан шуғулланишингизга тўғри келди. Сиз бу соҳада ўз малакангизни оширишн истайсизми?

а) ҳа;

б) нимага эришган бўлсангиз, шу билан чекланасиз;

в) ҳа, лекин бу сизга ёқса.

8. Агар бирон-бир касб сизга ёқса, уни ўрганишга жиддий киришасизми?

а) ҳа;

б) йўқ, фақат асосий жиҳатларини ўргансам бўлди;

в) йўқ, фақат қизиқишимни қондирсам бўлди.

9. Агар муваффақиятсизликка учрасангиз:

а) маълум муддат соғлом фикрга қатъий ҳолда қарши турасиз;

б) бу ниятингизни амалга ошмайди, деб ҳисоблайсиз ва унга қўл силтайсиз;

в) тўсиқлардан ўтиб бўлмаслиги маълум бўлса, ўз ишингизни қилаверсиз.

10. Касб танлашда қуйидаги жиҳатларнинг қайси бирини инобатга олиш лозим, деб ўйлайсиз:

а) ўз имкониятларини, ўзининг келажакдаги режаларини;

б) касбнинг барқарорлиги, аҳамияти, зарурлиги, унга бўлган эҳтиёж;

в) у берадиган устунликлар.

11. Бир марта кўрган жойларингизни эслай оласизми?

а) ҳа;

б) йўқ, адашишдан қўрқаман;

в) ҳа, фақатгина эсимда қолган ва ёққан жойларнигина.

12. Бўлиб ўтган суҳбатдан сўнг унда нималар гапирилганлигини эслай оласизми?

а) ҳа, қийинчиликсиз;

б) барчасини эслаш мушкул

в) фақат ўзингизни қизиқтирган жойларини эслаб қоласиз.

13. Сиз билмаган тилда айтилган сўзни бўғинларга бўлган ҳолда, хатосиз такрорлай оласизми?

а) ҳа, қийинчиликсиз;

б) ҳа, агар бу сўзни эслаб қолиш осон бўлса;

в) қайтараман, аммо хато билан.

14. Бўш вақтингизда Сиз:

а) ёлғиз қолиб, хаёл суришни ёқтирасиз;

б) дўстларингиз даврасида бўлишни ёқтирасиз;

в) ўзи шундоқ ҳам бўш вақтингиз кам, аммо, бу пайтда ёлғиз қолиш ёки дўстларингиз даврасида бўлишнинг Сизга аҳамияти йўқ.

15. Зарурият туғилганда қилаётган ишингизни тўхтатасизми?

а) йўқ, фақатгина ишни тўлиқ ва мукаммал бажарганимдан сўнг;

б) ҳа, маълум даражада қилган ишингиздан қониққан бўлсангиз;

в) ҳа, агар бу муҳим ва зарур бўлса.

16. Ёлғиз қолганингизда:

а) турли нарсалар, ҳатто абстракт ҳолатлар ҳақида орзу қилишни ёқтирасиз;

б) қандай қилиб бўлмасин, ўзингизга аниқ машғулот топишга ҳаракат қиласиз;

в) баъзан, ишингизга тегишли нарсалар ҳақида орзу қиласиз.

17. Янги ғоя туғилиб қолганда:

а) ҳар қандай вазиятда ҳам у ҳақда ўйлашга ҳаракат қиласиз;

б) фақат ёлғиз қолганлигингизда ўйлайсиз;

в) фақат шовқин бўлмаган жойдагина ўйлайсиз.

18. Бошқалар билан баҳслашаётганингизда:

а) агар рақибингиз ишоналри далиллар келтирса, ундан воз кечасиз;

б) ҳар қандай далилларни келтиришса ҳам, ўз фикрингизда қоласиз;

в) агар жиддий қаршилик кўрсатилса, ўз фикрингизни ҳам ўзгартиришингиз мумкин.

Изоҳ. 1,6,7,8-саволлар қизиқишлар чегарасини, 2-5-саволлар ўзига бўлган ишончни, 9 ва 15- саволлар — барқарорликни, 10-савол — амбицияни, 12 ва 13 саволлар — эшитиш хотирасини, 11-савол — кўриш хотирасини, 14-савол — мустақилликка интилишни, 16, 17-саволлар эса абстракцияланиш имкониятини, 18-савол эса фикр жамлаш қобилиятини аниқлаб беришга йўналтирилган. Айнан шу қобилиятлар ижодий потенциалнинг асосий жиҳатларини ташкил этади.

Берилган ҳар бир "а” жавобга — 3 балл, "б” жавобга — 1 балл, "в” жавобга эса — 2 баллдан ҳисобланг.

Тўпланган умумий балл ҳар бир ходимнинг ижодий потенциали даражасини кўрсатиб беради.

49 ва ундан юқори балл — ходимнинг ижодий потенциали сезиларли даражада юқори, бу эса унда ижодий имкониятларнинг кенглигини билдиради. Агар у ижодий потенциалидан самарали фойдалана олса, ундан кўп нарсани кутиш мумкин.

24-48 балл — ижодий потенциали ўртача. Ходим ижод қилиш имконини берадиган барча фазилатлар, хусусиятларга эга, аммо унда ижодга халақит берувчи жиҳатлар ҳам кўзга ташланади. Агар у истаса, у ўзини ижодий жиҳатдан кўрсата олиши мумкин.