Ассалому алайкум, ҳурматли "antakiya.ucoz.com" сайти ижодкорлари!

Дунёда нима кўп,спорт турлари кўп. Лекин улар орасида футбол уйини ўзининг жозибаси билан алоҳида ажралиб туради, бу ҳакиқат. Майли, бола вақтидами, барибир умрида бирор марта футбол ўйнамаган ёки футбол томоша қилмаган инсонни учратиш мушкул, менимча.

Ўзбекистон ампутантлар терма жамоамиз учинчи бор Жаҳон чемпиони. Ўсмирларимиз (U-16) Осиё чемпиони, «БУНЁДКОР» клуби ОЧЛ яримфиналчиси! Ҳа, ростанам Ўзбекистон футболига кўз тегмасин, менинг тилагим бу.

Куни кеча Қатар давлати Доха шаҳрида Жаҳон чемпионати-2014 саралаш уйинида Ўзбекистон миллий терма жамоаси ажойиб, чиройли ғалабага эришди. Кичик ҳисобда ютгани билан, миллий термамизнинг уйинидан кўнглим тўлди. Жамоа сардори Сервер Жепаровнинг бекорга Осиёнинг икки марта энг яхши ўйинчиси бўлмаганини шу ўйинда кўрсатди, бундан албатта футбол мухлислари ҳам хурсанд бўлгани бор гап. Ўзига ишониб топширилган сардорлик вазифасини аъло даражада бажарди, деб уйлайман. Аввалги ўйинда Игнатий Нестеровни танқид қилганлар кечаги ўйинда тасанно айтишди. Бу яхши албатта.

Мен бир нарсага ҳайрон қоламан-да, нима сабабдан ўйин вақтини Қатар давлати муттасаддилари соат 15.30га кўчирилишини истаб қолганини ҳеч ҳам тушуна олмайман. Бу дунёда одамзот борки ўз хоҳиши, ўз қўли билан ҳамма нарсани ўзгартирса бўлади, лекин Яратган Эгам томонидан инсоният ҳаётига берилган ҳар бир вақтни суъний равишда ўзгартириб бўлмаслигини улар билмайдиганга ўхшайди ёки билмасликка олди. Бунинг натижасини кеча ҳаммамиз кўрдик. Ўзбекистон миллий термаси ҳақли равишда ғалабага эришди.

Албатта, бу ғалаба ўз-ўзидан бўлгани йўқ. Маълумки, футбол ҳаёти тўрт йиллик давр билан белгиланиб, ҳар тўрт йилда Жаҳон чемпионати ўтказилиб борилади. Барчангиз яхши биласиз, футболда натижага эришиш осон иш эмас. Бу жамоавий ўйин. Кўзланган мақсад йўлида бажарилаётган катта ҳажмдаги ишлар баъзида оддий мухлислар назаридан четда қолади. Биз мухлислар эса фақат ғалабага ўрганиб қолгандаймиз. Агар терма жамоамиз ёки клубларимиз халқаро майдонда ютқазиб қўйисша, албатта ранжиймиз.

Лекин шуни унутмаслик лозимки, бизнинг мамлакатимизда футбол ҳамиша Республика ҳукумати ва  Президентимизнинг доимий диққат эътиборида туради. Ўтган йиллар мобайнида ҳукуматимизнинг футболни ривожлантириш тўғрисидаги қарорлари қабул қилинди, Ўзбекистонда футболни қўллаб-қувватлаш Жамғармаси тузилди, янги стадионлар қурилиб фойдаланишга топширилди, болалар ва ўсмирлар футбол мактаблари таъмирдан чиқарилди, бу эса мамлакатимизда футболнинг янада ривожланишига олиб келмоқда, деб биламан.

Мамлакатимизда замонавий спорт иншоотлар Ўзбекистонимизнинг куч-қудратини мустаҳкамлашда, «Ўзбекистон - келажаги Буюк Давлат» шиорини амалга оширишда ишончли замин бўлажак.

Ўзбекистон футбол иқтидорларга бой давлат. Болалар футболини ривожлантирмай туриб, юқори савиядаги катталар футболига эришиб бўлмайди. Юртимизда кўплаб маҳоратли футболчи болалар тайёрланмоқда, бу ҳеч кимга сир эмас, болалар эса эртанги келажагимиз. Бизнинг ҳозирда энг асосий вазифамиз ана шу келажагимизни эҳтиёт қилиш. Токи бугунги ўсмирлар ва ёшлар эртага миллий терма жамоамизни янгидан янги ғалабалар сари етаклашсин!

Ўзбекистон футболига кўз тегмасин!

Абдумажид Қодиров

 Хўжайли тумани

"Антакия" интеллектуал клуби "ФУТБОЛЧИЛАР" жамоаси сардори